Ходорковски можеби ќе побара политички азил во Велика Британија

Апсењето во отсуство во РФ значи отсуство на можност за компромис со руската власт, изјави Михаил Ходорковски.

Поранешниот прв човек на ЈУКОС Михаил Ходорковски, по кого е распишана меѓународна потерница, изјави дека ја разгледува можноста да побара политички азил во Велика Британија.

„Разгледувам различни можности. Една од нив е барање за политички азил во Велика Британија. Но засега не сум подготвен да зборувам за тоа“, изјави Ходорковски во интервју за британската телевизија „Би-Би-Си“, пренесува РИА „Новости“.

Ходорковски исто така истакна дека апсењето во отсуство значи за него немање можнот за компромис со руските власти.


 

Сите права ги задржува „Росијскаја Газета“.