Захарова: Сѐ што Русија прави во Сирија е правилно

Милитантите на „Исламската држава“ претставуваат многу голема закана и не се далеку од руските граници и затоа не може да се сомнева во оправданоста на операциите на воздухопловните сили на РФ во Сирија, изјави портпаролот на МНР РФ Марија Захарова.

На прашање на ТВ-каналот „Дожд“ дали и колку руската воена интервенција во Сирија е оправдана, Захарова рече дека „Исламската држава“ застрашувачки брзо регрутира млади луѓе, пренесува ТАСС. 

„Нивната пропаганда, начинот на кој ги привлекуваат луѓето во својата мрежа е резултат од користењето на современи методи, на најновите информативно-комуникативни средства. Тоа е сосем друг проблем, прашањето за некаква идеологија на нечовечноста што ти ја наметнуваат. Никогаш не сме виделе нешто слично“, додаде  Захарова.

Портпаролот на МНР РФ исто така истакна дека таа закана се одвива во непосредна близина на руските граници. „И кога ме прашувате дали (руската интервенција) е оправдана или неоправдана... тука нема опции за одговор“, рече Захарова. 

 

Сите права ги задржува „Росијскаја Газета“.