Турскиот министер за туризам ги моли Русите да летуваат во Турција

Махир Унал, министер за култура и туризам на Турција, призна дека неговата земја не сака да се одрече од руските туристи и ги повика да дојдат во турските летувалишта.

Во интервјуто за агенцијата „Анадолу“ турскиот министер Махир Унал нагласи: „Турција не сака да го загуби рускиот пазар во областа на туризмот, но исто така треба да се каже дека ние не зависиме само од руските туристи. Работиме на низа мерки против санкциите. Кризата на крај ќе заврши, а нам ни е потребна диверзификација на туристичкиот сектор“, изјави Унал, пренесува http://travel.rambler.ru. 

Министерот ги нарече неприфатливи економските мерки кои Москва ѝ ги наметна на Анкара, вклучувајќи ја и туристичката сфера, и нагласи дека Турција е подготвена за дијалог со Русија со цел решавање на кризата, пренесува порталот Antalya Today.

Претходно министерот за трговија и царина на Турција Булент Туфекчи изјави дека „кризата нема долго да трае, во февруари-март тензиите ќе се намалат, ќе ослабат“, изјави министерот. 

Сите права ги задржува „Росијскаја Газета“.