Интересите на Талибанците во борбата против ИД се совпаѓаат со руските

Специјалниот претставник на претседателот на РФ за Авганистан Замир Кабулов соопшти за совпаѓањето на интересите на Русија и Талбанците во борбата со ИДИЛ.

Специјалниот претставник на претседателот на РФ за Авганистан Замир Кабулов во интервју за „Интерфакс“ зборуваше за совпаѓањето на интересите на Москва и авганистанските Талибанци во борбата против ИДИЛ.

Кабулов изјави дека руската авијација нема намера да дејствува во Авганистан и дека Талибанците и без барање од Москва чувствуваат дека ИДИЛ се обидува да ги искористи за глобален џихад. „И авганистанските Талибанци, и пакистанските Талибанци рекоа дека не го признаваат Ал-Багдади за калиф и дека не ја признаваат ИДИЛ. Тоа е многу важно.

Интересите на Талибанците и без стимулирање објективно се совпаѓаат со нашите“, вели Кабулов.

Тој исто така потсети дека Москва и Талибанците имаат канали за врска за размена на информации.

Москва е подготвена да испорачува оружје за Авганистан, тоа ќе го прави „претпазливо, и генерално, на комерцијална основа“, изјави специјалниот претставник на претседателот на РФ во Авганистан.


 

 

Сите права ги задржува „Росијскаја Газета“.