Русија ќе преземе контрамерки против санкциите на САД

Портпаролот на претседателот на РФ Дитриј Песков ги нарече постапките на Вашингтон продолжување на противречната логика во односите со Москва.

Портпаролот на претседателот на РФ Дмитриј Песков изјави дека Москва нема да ги остави без одговор новите санкции на САД и ќе изработи соодветен одговор, пренесува РИА „Новости“.

„Всушност, ова е продолжение на токму таа противречна логика и непријателска линија во односите со Руската Федерација. Всушност, тоа е продолжение на курсот кој има разорно влијание за билатералните односи“, изјави Песков пред новинарите, одговарајќи на прашање за проширувањето на списокот со санкции на САД.

„Тие најпрвин ќе бидат анализирани, тие донесени решенија, и потоа ќе се акумулираат предлози за можни контрамерки. Повторно, како што  познато, во таквите работи ќе преовладува принципот на реципроцитет“, додаде Песков.

Портпаролот на рускиот претседател изрази жалење што Вашингтон продолжува да ја одбира тактиката на санкции, затоа што таа е во расчекор со потребите на времето. „Овде се разбира, може да се изрази само жалење во  врска со тоа што и покрај здравиот разум, и покрај потребата од помагање, зголемувањето на соработката и така натаму, за жал, Вашингтон го избира токму тој курс кој е во силен контраст со потребите на времето“, изјави Песков.  

Истовремено портпаролот на Кремљ не го наведе рокот за донесување реципрочни мерки. „Тоа не можам да го кажам сега. Несомнено, тоа е одлука што ќе ја донесат и владата, и шефот на државата. Овде може да се каже само дека во секој случај тој принцип доминира при моделирањето на вакви или онакви одговори“, заклучи Песков.
 

 

 

Сите права ги задржува „Росијскаја Газета“.