Захарова: Турција ги затвори можностите за конструктивен дијалог со РФ

„Страшната реторика“ на Анкара по соборувањето на рускиот бомбардер не дава шанси за дијалог, изјави портпаролот на МНР РФ Марија Захарова.

Реториката на Турција што следеше по инцидентот со соборениот руски бомбардер Су-24 ги затвори можностите за конструктивен дијалог со Русија, изјави портпаролот на МНР РФ Марија Захарова, пренесува РИА „Новости“.  

„По она што го видовме – не само по соборувањето на бомбардерот, туку и по онаа страшна реторика што започна од страна на Анкара – потоа, за жал, се затвори можноста за конструктивен дијалог“, истакна Захарова на брифингот.

Односите меѓу Русија и Турција западнаа во криза откако на 24 ноември турски ловци соборија руски бомбардер Су-24 над Сирија.  

Сите права ги задржува „Росијскаја Газета“.