Претседателот на Русија Владимир Путин изјави дека позициите на Москва и Минск се многу блиски во однос на прашањата за решавање на украинската криза и борбата со меѓународниот тероризам, пренесува ТАСС.
„Ја истакнавме блискоста на позициите на нашите земји за актуелни теми како што се решавањето на украинската криза и борбата со меѓународниот тероризам во Сирија“, изјави Путин по преговорите.
Според зборовите на Путин, „на меѓународната сцена Русија и Белорусија спроведуваат усогласена надворешна политика“.
„Со цел зајакнување на регионалната безбедност се договоривме активно да ја развиваме воено-техничката соработка“, потенцираше претседателот на РФ.
Претседателите на Русија и Белорусија исто така ја потпишаа и заедничката изјава за преговорите во Москва.
Во документот се наведени точки за обезбедување еднакви права за слобода на движење, избор на место на живеење и жителство на териториите на државите-членки на Сојузната држава од 24 јануари 2016 година.
На прес-конференцијата Путин ја истакна „важната иницијатива во миграциската сфера“.
„Од 1 јануари годинава странските граѓани, кои сакаат да живеат и работат во Русија, треба да го потврдат познавањето на рускиот јазик, познавањето на руската историја и основите на законодавството. Истовремено, имајќи го предвид особениот карактер на руско-белоруските врски, ние донесовме принципиелна одлука да не ги применуваме овие норми за граѓаните на Белорусија“.
Путин исто така соопшти и дека дискутирале со Лукашенко за прашања поврзани со безбедноста и стабилноста имајќи го предвид претстојниот самит на ОДКБ на 21 декември.
Сите права ги задржува „Росијскаја Газета“.
Претплатете се
на нашиот билтен!
Добивајте ги најдобрите стории на неделата директно во вашето сандаче