Могерини не гледа пречки за продолжување на санкциите против Русија

Продолжувањето на санкциите против Русија ќе се разгледува на Евросоветот (самитот на шефовите на држави-членки на ЕУ). Засега тоа прашање не се разгледува, изјави шефицата на европската дипломатија Федерика Могерини.

Шефицата на дипломатијата на Европска унија Федерика Могерини не гледа сериозни пречки на патот кон продолжувањето на антируските економски санкции и смета дека тоа прашање ќе се разгледува на самитот на шефовите на државите-членки на ЕУ на крајот на неделава, пренесува РИА „Новости“.

„Русија не е на нашата агенда. Ако министрите посакаат да го разгледаат тоа прашање, тоа за мене не е проблем. Но колку што разбрав, тоа ќе се разгледува на Евросоветот (самитот на шефовите на држави-членки на ЕУ) кој ќе се одржи неделава. Не гледам сериозни пречки меѓу земјите на ЕУ за политичко решение, но јас не решавам“, изјави таа, одговарајќи на прашање за санкциите.  

Претходно извор близок до Советот на Европа соопшти дека санкциите против Русија ќе бидат продолжени во секој случај – со или без дискусија.

Сите права ги задржува „Росијскаја Газета“.