Молдавија побара повлекување на руските миротворци од Приднестровје

Молдавија инсистира на неопходноста од повлекување на руските сили од Приднестровје, изјави претседателот на Молдавија Николај Тимофти на меѓународната конференција во Ашхабад.

Ние ја повторуваме потребата од завршување на процесот на повлекување на руските војници и оружје од територијата на нашата земја“, пишува „Взгљад“.

Покрај тоа, Тимофти се заложи за трансформација на миротворната операција во Приднестровје во безбедносната зона во цивилна мисија со меѓународен мандат, пренесува „Дојче Веле“.

Тој изјави дека таквите обврски Русија ги презела во текот на самитот на ОБСЕ во Истанбул во 1999 година.

Како што објаснува ИА „Регнум“, „Истанбулските обврски“ од 1999 година се реализирани пред истекот на рокот во 2001 година.

Мирот во зоната на конфликт го одржуваат 402 руски војници, 492 приднестровски, 355 молдавски и 10 воени набљудувачи од Украина.

 

Сите права ги задржува „Росијскаја Газета“.