Претставници на МНР и МО РФ ќе се сретнат со Слободната сириска армија

Претставници на Сириската слободна армија (ССА) се договориле со Министерството за надворешни работи и Министерството за одбрана на Русија да се сретнат следната недела за да се договорат за формирање заеднички оперативен штаб, изјави координаторот на ССА Махмуд ел Афанди.

Тој изјави дека задачата на оперативниот штаб е организација на борба против терористичките организации „Исламска држава“ и фронтот „Ан Нусра“, како и пронаоѓање политичко решение за сирискиот конфликт по победата во војната, пренесува агенцијата „Спутник“.

„Ќе разговараме и за гаранциите од страна на Русија за прашањето на заштита од нападите на сириската војска затоа што е малку веројатно примирјето да се случи толку брзо“, рече Ел Афанди и додаде дека за дијалог се подготвени и уште неколку бригади на ССА кои се борат на брегот на Средоземното море како и на јужниот фронт.

Средбата, како што е најавено, ќе биде одржана најверојатно во Абу Даби, и тоа кон крајот на следната недела. Досега присуството на состанокот го потврдиле 28 бригади на ССА.

Сите права ги задржува „Росијскаја Газета“.