Путин: Треба да сториме сѐ за поддршка на семејствата на жртвите во несреќата на А321

„Целата земја реагираше со големо сочувство до семејствата на загинатите, но посебни зборови на благодарност, се разбира, до жителите на Петербург“, изјави претседателот на РФ Владимир Путин.

Руските власти треба да сторат сѐ роднините на загинатите во несреќата на авионот А321 да не се чувствуваат заборавени, изјави претседателот на РФ Владимир Путин, пренесува ТАСС.

„Целата земја реагираше со големи сочувство до семејствата на загинатите, но посебни зборови на благодарност, се разбира, до жителите на Петербург. Се гледаше дека луѓето навистина искрено ја делат таа голема тага“, изјави шефот на руската држава на состанокот со губернаторот на Петербург Георгиј Полтавченко.

„Потребно е да сториме сѐ луѓето кои се најдоа во оваа тешка ситуација, да не се чувствуваат сами и да не бидат оставени без внимание“, наведе претседателот.  

Претходно Путин го изрази своето сочувство до роднините и блиските на оние кои загинаа во катастрофата.

 

Сите права ги задржува „Росијскаја Газета“.