Пентагон го потврди заедничкиот руско-американски тренинг во Сирија

Во „тестирањто на комуникациите“ што траело три минути, учествувале еден руски и еден американски авион во Сирија, соопшти извор во Пентагон.

Пентагон го потврди заедничкиот американско-руски тренинг во Сирија, соопшти агенцијата „Ројтерс“ повикувајќи се на извор во американското министерство за одбрана.  

Според неговите зборови, се работи за „тестирање на комуникациите“ во кое три минути учествувале еден американски и еден руски авион. Целта била проверка на протоколите за безбедност за кои се договорија Русија и САД. Авионите се доближиле на меѓусебно растојание од 5 милји во воздушниот простор на Сирија, додаде тој.

Претходно во вторникот за тренингот информираше началникот на Главната оперативна управа на Генералштабот на ВС РФ генерал-полковник Андреј Картаполов. Според него, тренингот на ВВС Русија и САД се однесувал на активности на екипажите и службите на земја во случаи на опасно доближување на авионите. Биле одработени прашања за предупредување, организација и соработка, размена на информации меѓу штабовите на оперативните групи и командните места на ВВС Русија во авиобазата „хмејмим“ и центарот за стратешки воздушни операции на САД во Катар, како и заемно информирање за опасна воена активност во воздушниот простор на Сирија. 

Сите права ги задржува „Росијскаја Газета“.