Форин Офис: Лондон не ги смета односите со Москва за „замрзнати“

Дијалогот меѓу Русија и Велика Британија продолжува на сите нивоа и во сите сфери, изјави претставник на британското МНР.

МНР Велика Британија не ги смета односите со Русија за „замрзнати“ или во состојба на стагнација, изјави за РИА „Новости“ во понеделникот претставник на МНР на Обединетото Кралство.

„Ние не ги сметаме билатералните односи меѓу Велика Британија и Русија за „замрзнати“ или во состојба на стагнација. Дијалогот продолжува на сите нивоа во сферите кои претставуваат заемен интерес. Нуклеарниот договор за Иран претставува пример за широчината на можностите за продуктивна соработка“, изјави соговорничката на агенцијата.

Претходно портпаролот на претседателот на Русија Дмитриј Песков изјави дека политичкиот дијалог меѓу Москва и Лондон е замрзнат, а иницијатор за тоа не била Русија.

 

Сите права ги задржува „Росијскаја Газета“.