Лавров и Кери разговараа со „патриотската опозиција” на Сирија

Шефовите на дипломатиите на РФ и САД го продолжија разговорот за политичко решение на ситуацијата во Сирија со учество на властите и патриотската опозиција.

Во неделата на американска иницијатива се одржа телефонски разговор на рускиот министер за надворешни работи Сергеј Лавров и државниот секретар на САД Џон Кери, соопшти МНР РФ. Во разговорот учествувале и властите и патриотската опозиција на Сирија, пренесува „Взгљад”. 

„Министрите за надворешни работи го продолжија разговорот за изгледите за политичко решение на ситуацијата во Сирија со учество на властите и патриотската опозиција и за поддршка на овој процес од меѓународната заедница, вклучувајќи ги водечките регионални држави“, се наведува во соопштението објавено на сајтот на Министерството за надворешни работи на РФ.

Претходно координаторот на сириската „Група на национален спас“ Фахд ал Масри соопшти дека „Сириската слободна армија“ испратила до Русија предлог за одржување на разговори во Каиро.

Сите права ги задржува „Росијскаја Газета“.