Захарова ја наведе причината за падот на „Боингот“

Русија смета дека главна причина за катастрофата на „Боингот“ над Украина е тоа што Киев при спроведувањето воена операција со авијацијата и ПВО не го затворил воздушниот простор, ја пренесува ТАСС изјавата на портпаролот на МНР Русија  Марија Захарова.

„Според мислењето на руската страна, главна причина за катастрофата е тоа што украинските власти, применувајќи во зоната на конфликт авијација, тешко вооружување и ПВО, не го затворија воздушниот простор, како што бараат меѓународните норми“, изјави таа.

Покрај тоа, Захарова прецизираше дека целосната одговорност на Украина за тоа што не го затворила воздушниот простор е единствената точка од холандскиот извештај со кој Русија е подготвена да се согласи. Сѐ друго,  според нејзините зборови, не соодветствува со реалноста.

Претходно од руското МНР изјавија дека Русија ќе ѝ предложи на Холандија обнова на истрагата за катастрофата на малезискиот „Боинг“ MХ17, пишува „Газета.ру“.

Сите права ги задржува „Росијскаја Газета“.