Латвија планира да постави ограда на границата со Русија

Според зборовите на министерот за внатрешни работи на Латвија, на границата ќе биде поставена ограда на која ќе има камери за видео-надзор и системи со сензори.

Латвија за борба со нелегалната миграција планира да изгради на границата со Русија ограда во должина од 90 км, изјави министерот за внатрешни работи на републиката Рихардс Козловскис, а пренесува ТАСС.

Според неговите зборови, таму ќе има и камери за видео-надзор и системи со сензори. „Ова е потребно не за да се изгради „Кинески ѕид“ меѓу Русија и Латвија, ами за ограничување на приливот на нелегални мигранти“, смета Козловскис.

Оваа година за зајакнување на источната граница на Латвија ѝ се доделени 500 илјади евра, а за следната година – над 3 милиони евра, истакна министерот.  

 

Сите права ги задржува „Росијскаја Газета“.