Пентагон: Следната недела ќе има средба на воени претставници на Русија и САД

Како што соопшти претставникот на американската Централна команда (CENTCOM) полковник Стив Ворен, за следната недела е планирана средба на руски и американски воени претставници.

Од Централната команда на САД на Блискиот Исток (CENTCOM) соопштуваат дека руски и американски воени претставници следната недела ќе ги продолжат разговорите околу прашањата за спречување на конфликтни ситуации на небото над Сирија, пренесува РИА „Новости“.

„Мислам дека следната средба е испланирана. Но немам детали“, изјави претставникот на CENTCOM полковник Стив Ворен на брифингот за новинарите.

Тој истакна дека средбите се неопходни, затоа што „опасност има“, имајќи ги предвид можните конфликти и грешки. 

Сите права ги задржува „Росијскаја Газета“.