Кремљ: Операцијата на Русија во Сирија премина на поквалитетно ниво

Операцијата на ВКС Русија во Сирија против „Исламската држава“ помина од техничка гледна точка на поквалитетно ниво, изјави портпаролот на рускиот претседател Дмитриј Песков.

„Фактички веќе денеска, од технолошка гледна точка, на поквалитетно ниво беше продолжена операцијата на руските вооружени сили за поддршка на сириската армија. Знаете за нашите крстосувачки ракети на Касписката флотила, и истовремено за вестите кои почнаа да доаѓаат од Сирија за офанзивата што ја почна сириската војска со наша огнена поддршка“, изјави Песков, пренесува „Взгљад“.

Песков исто така одговори потврдно на новинарско прашање за тоа дали била договорена траекторијата на ракетите на Касписката флотила преку Ирак и Иран со тие земји, соопшти РИА „Новости“.

Според зборовите на Песков, Путин дал висока оцена за работата на руските војници и нивното борбено ниво.

Претходно во средата сириската армија почна голема офанзива во провинцијата Хама.

Сите права ги задржува „Росијскаја Газета“.