Путин раскажа зошто им се восхитува на САД

Претседателот на Русија Владимир Путин во интервјуто со водителот на каналот „Си-Би-Ес“ Чарли Роуз раскажа што му се допаѓа во врска со САД.

Според зборовите на шефот на руската држава, за најпривлечна особеност тој ја смета „креативноста“. „Креативноста што се покажува кога САД ги решаваат своите проблеми. Нивната отвореност – отвореноста и непристрасноста. Тоа им овозможува да се открие внатрешниот потенцијал на луѓето“, изјави Путин одговарајќи на прашањето: „На што најмногу им се восхитувате во врска со САД?“  

Според зборовите на Путин, благодарение на наведените квалитети „Америка постигна толку фантастични резултати во развојот на земјата“.

Роуз исто така го праша Путин дали се интересира за она што се случува во Америка. „Да, ние се интересираме за она што се случува. Америка има огромно влијание врз ситуацијата во светот“, изјави шефот на руската држава, пренесува „РБК“.

 

Сите права ги задржува „Росијскаја Газета“.