Над 700 луѓе од 25 градови ширум светот го читаат Чехов 24 часа во живо

Меѓународниот проект „Чехов е жив", организиран од МХТ „Чехов“, „Гугл“ и „Рускиот книжевен сојуз“ започна денеска во 12:00 часот и ќе трае до 12:00 часот на 26 септември, пренесува РИА „Новости“.

Над 700 познати артисти, писатели, музичари, спортисти и политичари од 25 градови ширум светот читаат извадоци од драмите, расказите, повестите и дневниците на писателот, а сето тоа се пренесува во реално време на You Tube и е достапно за секој интернет-корисник во светот.

Во 19:30 денеска почна и театрализираното читање на познатата драма на Чехов „Галеб“. Првпат во светот оваа драма ќе ја прикажат актери од седум театри – во Москва, Санк Петербург, Новосибирск, Екатеринбург, Таганрог и Саратов. Чиновите и сцените се пренесуваат од град во град и се обединуваат во единствена онлајн-претстава на YouTube. „Галеб“ започна на главната сцена на МХТ „Чехов“.

Директниот пренос денеска и на 26 септември исто така можете да го погледнете и на сајтот https://chekhov.withgoogle.com/.

По завршувањето на проектот на специјалниот сајт ќе можете виртуелно да прошетате по чеховските места, да ги погледнете, слушнете и повторно да ги прочитате омилените дела на Антон Павлович Чехов.

„Чехов е жив“ е уникатен проект кој ги обединува класичната литература, современиот театар и најновите технологии за претставување на творештвото на Чехов во нов дигитален формат.  

Сите права ги задржува „Росијскаја Газета“.