Мадуро: Венецуела ќе купи од Русија не помалку од 12 „Сухои“

Според претседателот на Венецуела Николас Мадуро, купувањето руска воена техника е неопходна за пополнување на авиопаркот на земјата.

Претседателот на Венецуела Николас Мадуро изјави во неделата дека неговата земја ќе купи од Русија не помалку од 12 воени авиони „Сухој“.

„Ќе разговарам со претседателот Владимир Путин да ѝ испорача на Венецуела не помалку од 12 нови „Сухои“ и да го замени тој што го изгубивме“, ги цитира порталот Noticias24 зборовите на Мадуро. Ноќта спрема петокот ловец Су-30 на венецуелското воздухопловство се сруши на границата со Колумбија и двајца пилоти загинаа.

Освен тоа, Мадуро соопшти за плановите да склучи договори за купување различна воена техника со Кина за одбрана на земјата, вклучително и за борба против трговијата со дрога. „Дадов наредба да се засили борбата со нарко-трговијата, независно од каде доаѓа, особено од Колумбија“, рече лидерот на Венецуела. 

Сите права ги задржува „Росијскаја Газета“.