Путин: Без учество на сириските власти е невозможно да се протераат терористите од Сирија

Без учество на сириските власти во борбата против „Исламската држава“, невозможно е да се протераат терористите од Сирија, изјави претседателот на Русија Владимир Путин на самитот на Организацијата за колективна безбедност и соработка.

„Очигледно е дека без активно учество на сириските власти и војската не е можно да се протераат терористите од оваа земја и целиот регион, како ни да се заштити од уништувањето, ропството и варварството мултинационалниот и мултиетнички сириски народ”, изјави претседателот на РФ Владимир Путин на на самитот на Организацијата за колективна безбедност и соработка, пренесува „Взгљад“.

Според неговите зборови, претседателот на Сирија Башар Асад е подготвен да ангажира здравите опозициски сили за управување со државата.

„Неопходно е да се размислува и за политички промени во оваа земја. Знаеме дека Асад е подготвен во тој процес да ги вклучи и здравите сили од опозицијата... Но, во прв план денес дефинитивно избива борбата против тероризмот. Без тоа е невозможно да се решат другите итни и растечки проблеми, вклучувајќи го и проблемот со бегалците“, истакна рускиот претседател.  

Тој додаде дека Русија ќе продолжи да ѝ дава воена помош на Сирија за борба против ИД и ја повика целата меѓународна заедница да ѝ се приклучи. „Ние ја поддржуваме владата на Сирија во отпорот спрема агресијата. Ѝ дававме и ќе продолжиме да ѝ ја даваме неопходната воена помош и ги повикуваме другите земји да ни се придружат“, рече Путин.

 

Сите права ги задржува „Росијскаја Газета“.