Јацењук: „Северен поток 2“ е закана по безбедноста на Украина и Југоисточна Европа

Изградбата на вториот крак на „Северен поток“ во целост ќе го лиши Киев од можноста да транспортира гас во Европската унија и ќе доведе до загуба од 2 милијарди долари приход од транзитот, изјави премиерот на Украина Арсениј Јацењук.

„За Украина изградбата значи исклучување на Украина од транзитната испорака во Европската унија. Како второ, тоа е загуба од 2 милијарди долари кои ние ги добиваме за испорака на гас во ЕУ“, изјави Јацењук во четвртокот на брифингот по средбата со премиерот на Словачка Роберт Фицо. 

„Што значи изградбата на „Северен поток 2“ за ЕУ? Тоа значи дека ЕУ ја губи можноста за директна испорака на гас преку територијата на Украина по најкраткиот пат. Обемот на таквите загуби ќе изнесува 140 милијарди кубни метри гас кои можат да одат преку украинскиот систем за транспорт на гас. Тоа значи дека изградбата на „Северен поток 2“ ќе ги стави во опасност безбедноста и континуираноста на испораката на гас во земјите  од Југоисточна Европа“, изјави премиерот на Украина, пренесува РИА „Новости“.

Во петокот руската компанија  „Гаспром“ потпиша акционерски договор за гасоводот „Северен поток – 2“ со кој се предвидува зголемување на испоракте на природен гас во ЕУ. Документот го потпишаа првиот човек на „Гаспром“ Алексеј Милер, претседателот на управата на BASF Курт Бок, членот на управата на E.ON Клаус Шефер, заменикот на генералниот директор на ENGIE Пјер Шареир, првиот човек на OMV AG Рајнер Зеле и генералниот директор на Royal Dutch Shell Бен ван Берден.

Сите права ги задржува „Росијскаја Газета“.