Странските автомобилски компании ги пресметаа загубите на рускиот пазар

Во 2014 година странските автомобилски компании регистрирале или сериозни загуби, или значителен пад на профитот.

На автомобилскиот пазар во Русија, рекордна загуба претрпело руското претставништво „Фолксваген“, а во минус влегле руските претставништва на „Киа“, „БМВ“ „Субару“, „Нисан“ и „Џенерал Моторс“.

„Од гледна точка на динамиката на продажба 2014 година не беше најтешката: продажбата се намали само за 10% (на 2,5 милиони автомобили), а на крајот на годината побарувачката за нови автомобили опадна поради желбата на Русите, Казахстанците и Белорусите да не инвестираат пари во нивно купување“, пишува „Известија“.

Сепак, рускиот дистрибутер на „Мерцедес Бенц извлекол на пазарот рекордна добивка за себе – 5,7 милијарди рубли.

Најголема загуба претрпело претставништвото на „Киа Моторс Рус“ - 8,2 милијарди рубли наспроти добивката од речиси 5 милијарди рубли во 2013 година.

На 25 август медиумите соопштија дека автомобилските концерни почнале да ги накачуваат цените поради падот на вредноста на рубљата. На пример, „Форд“,„Сузуки“, „Пежо“ и „Ситроен“ ќе ги продаваат своите автомобили за 5% повисока цена.  

Според податоците за јули продажбата на автомобили во Русија опаднала за 27,5%. 

Сите права ги задржува „Росијскаја Газета“.