Пономарева: Соработката со Русија не е избор во полза на минатото

На конференцијата „Балкански дијалог 2015“ што се одржува во Нови Сад, настапи и експертот Елена Пономарева со свое видување на иднината на балканските земји.

Елена Пономарева, професор, доктор на политички науки, претседател на Меѓународниот институт за развој на научната соработка, настапи на конференцијата „Балкански дијалог 2015“ со темата „Спарување на просторот: реалии и перспективи на евроазиската интеграција“.

„Комбинирањето на капацитетот на сите евроазиски земји е од клучно значење. Клучната улога сега е доделена на Балканот, бидејќи овој регион самиот претставува органски мост меѓу Север и Југ, Исток и Запад и кој, во исто време, претставува буре барут на Европа. Значајна улога за тоа одигра битката на водечките светски земји, прво за „Јужен тек“, а потоа и за „Турски тек“.

Нема да ја заборавиме кризата во Македонија, каде што се случија вистински борби, или резолуцијата за Сребреница - сето ова се прави со цел да се понижат Србите. Проевропските сили во Србија одржуваат редовни конференции на тема „Србија: Меѓу Истокот и Западот" со поднаслов „Србија: Меѓу минатото и иднината“. Затоа е толку важно во моментов да се свртуваме кон политичките алтернативи. Патот на евроазискиот развој за Србија е добар пат - зашто земјата во оваа ситуација може да го преземе сето најдобро од сите земји постепено.

Светот, по две децении, повторно се сврте кон мултиполарен политички развој - без хегемонијата на еден учесник во играта. Но, важно е да се сфати дека за тоа мора многу да се работи. Исто така, добро е да се запамети дека поговорката „историјата не сака условно дејство“ не е сосема точна, затоа што историјата често зависи од своите владетели, и од тоа како ќе ја претстават подоцна.

Сите права ги задржува „Росијскаја Газета“.