Медиуми: Сојузот меѓу Русија и Кина јакне и покрај очекувањата на САД

Мрачните прогнози на американските аналитичари не се остварија – Русија и Кина немаат намера да влезат во жестока конкуренција еден со друг, пишува „СпутникЊуз“.

Претскажувањата на САД за тоа дека рускиот проект за Евроазиски економски сојуз (ЕАЕС) и кинескиот проект за нов Пат на свилата нема да можат да коегзистираат во ист регион не се реализираа, пишува „СпутникЊуз“.

Според мислењето на американските аналитичари, меѓу Русија и Кина порано или подоцна треба да настане соперништво за влијание во Централна Азија поради активната економска експанзија на Пекинг, а конкуренцијата неизбежно ќе ги отежне билатералните односи. Сепак, без оглед на мрачните претскажувања, Русија и Кина крајно вешто ги обединија своите напори, се вели во статијата.

Во текот на средбата во мај лидерите на Русија и Кина, Владимир Путин и Си Ѓинпин, изјавија дека имаат намера да разработуваат механизми за соработка на двата проекта. Земјите сакаат да создадат заеднички економски простор во Евроазија и постепено ги документираат правните документи за тоа. Според мислењето на раководителот на програмата „Русија во Азиско-Тихоокенанскиот регион“ на Московскиот Карнеги центар Александар Габуев, меѓу Русија и Кина може да се случи „поделба на трудот“ во Централна Азија. Истовремено Пекинг може да биде главен економски двигател, а Москва да стане главен гарант за безбедноста во регионот, пишува изданието.

Експертите сметаат дека за Русија и Кина ќе биде клучен развојот на инфраструктурата – ќе се градат и обновуваат железнички пруги и автопатишта. Покрај тоа, земјите ќе ја развиваат соработката во сферата на енергетиката, металургијата и слично. Заедничкиот проект на Москва и Пекинг би помогнал да се обедини капиталот кој доаѓа од Русија, Кина и други земји. Тие средства би можеле да ја поддржат Евроазиската банка за развој и Азиската банка за инфраструктурни инвестиции и би овозможиле да се забрза создавањето на Банката за развој на Шангајската организација за соработка, смета заменик-директорот на Институтот за Далечниот Исток на РАН Сергеј Лузјанин. 

Сите права ги задржува „Росијскаја Газета“.