САД и Г-7 се подготвени во случај на потреба да воведат против Русија „сериозни, дополнителни санкции“, изјави потпретседателот на САД Џозеф Бајден, пренесува ТАСС.
„Потпретседателот на САД ја истакна одлучноста на САД и нејзините партнери од „Групата седум“ да продолжат со притисоците врз Русија за да се реализира во целост Минската спогодба, вклучувајќи го враќањето на контролата на Украина над меѓународните граници, како и излегување на сите руски војници и вооружени сили од украинска територија“, се наведува во извештајот по повод средбата на Бајден со украинскиот премиер Арсениј Јацењук.
„Потпретседателот, исто така, истакна дека САД и нивните сојузници од „Групата седум“ се подготвени да воведат дополнителни сериозни санкции, доколку биде неопходно да се реагира на делувањето на Русија“, пишува во соопштението.
Еден ден пред самитот наГ-7 Белата куќа соопшти дека претседателот на САД Барак Обама и германската канцеларка Ангела Мерке постигнале договор околу прашањето за траењето на антируските санкции.
Сите права ги задржува „Росијскаја Газета“.
Претплатете се
на нашиот билтен!
Добивајте ги најдобрите стории на неделата директно во вашето сандаче