Руската компанија ПејНет пристигна во Македонија

Рускиот капитал продолжува да биде присутен во Македонија преку последната инвестиција на компанијата ПејНет.

Руската компанија ПејНет продолжува да ја шири својата мрежа на Балканот. Нејзината најнова инвестиција ПејНет Македонија (PayNet Macedonia) го носи на пазарот најсовремениот систем за брза и ефикасна наплата на сметки преку платежен терминал. Мрежата на терминали веќе е поставена и системот функционира 24 часа дневно, 365 дена во годината.

Како што информираа од компанијата, преку терминалите за брза наплата ќе може да се плаќаат сметките за водовод и канализација, радиодифузна такса, мобилната и фиксна телефонија, за кабловска телевизија и интернет од операторот One и од Blizoo, како и за плаќање на јавни давачки – такси, казни и даноци.

Терминалите на ПејНет веќе се поставени во централните градски подрачја, а подоцна ќе бидат поставени и во руралните области.

ПејНет овозможува плаќање првенствено со готовина директно на терминалот, но се нуди опција и за безготовинско плаќање. Најголемиот дел од услугите се без провизија.

Концептот за брза наплата преку терминали најпрвин е воспоставен во Русија во 2000-2001 година. Денес, оваа индустрија во Русија вбројува над 1 милион платежни терминали преку кои се процесираат повеќе од 3.500 различни услуги. Освен во Русија, терминалите за брза наплата се популарни и во повеќе од 15 земји, а овој концепт во последниве 5 години е присутен и во регионот, односно во Бугарија и во Србија. 

Сите права ги задржува „Росијскаја Газета“.