Политиката на Путин ја поддржуваат 86% граѓани на Русија

Мнозинството граѓани на Русија (86%) се задоволни од работата на претседателот Владимир Путин, пренесува „Интерфакс“.

Мнозинството граѓани на Русија (86%) се задоволни од работата на претседателот Владимир Путин. Ова е резултатот од истражувањето на „Левада центар“ спроведено во мај, а пренесува „Интерфакс“.

Според податоците на анкетата, ситуацијата остана непроменета во однос на април. Политиката на рускиот претседател не ја одобруваат само 13% Руси, додека секој стоти испитаник немаше одговор на ова прашање.

Од работата на премиерот Дмитриј Медведев се задоволни 63% граѓани, што е за 3% помалку отколку во април.

Русите ја оценија и руската влада - 59% ја поддржа работата на владата на РФ. Руската дума доби помалку симпатии: 49% испитаници се задоволни од нејзината работа, додека 50% анкетирани дале негативна оценка. 

Сите права ги задржува „Росијскаја Газета“.