Русија сака поширока воено-техничка соработка во рамките на БРИКС

Земјите-членки на БРИКС треба да ја зајакнат нивната техничка соработка и другите контакти како дел од нивната борба против тероризмот, изјави Секретарот на рускиот Совет за безбедност Николај Патрушев.

Земјите-членки на БРИКС (Бразил, Русија, Индија, Кина и Јужна Африка) треба да ја зајакнат нивната техничка соработка и другите контакти како дел од нивната борба против тероризмот, изјави Секретарот на рускиот Совет за безбедност Николај Патрушев.

„Убеден сум дека има потреба од зацврстување на контактите помеѓу нашите земји во области како што се воено-техничката соработка, нашата здружена борба против тероризмот, екстремизмот, сепаратизмот и прекуграничниот криминал, како и нашите напори за спротивставување на други нови предизвици и закани“, рече Патрушев на петтиот состанок на високи безбедносни функционери од земјите на БРИКС во Москва во вторникот.

„Ние докажавме дека сме способни да постигнеме навистина широк спектар на задачи со заедничко дејствување“, изјави тој.

Земјите од БРИКС учествуваат со 22% во светскиот БДП, и повеќе од 25% врз основа на паритетот на куповната моќ, рече Патрушев.

„Што се однесува до глобалната резерва на БРИКС, тоа е повеќе од 40 отсто од населението на планетата, повеќе од една третина во производството на светската енергија, околу 40 проценти во расходите за истражување и развој, и повеќе од 20 проценти во трошоците за одбрана“, рече тој.

„Нашите земји, кои заземаат простор повеќе од една четвртина од целиот свет, исто така, имаат една третина од земјоделското земјиште во светот и произведуваат во просек 37-38 отсто житните култури во светот“, додаде тој.

Сите права ги задржува „Росијскаја Газета“.