Путин: Обидите да се ревидира историјата и да се рехабилитира нацизмот се неморални и крајно опасни

Обидите за ревизија на историјата и рехабилитација на нацистите се апсолутно неприфатливи, неморални и крајно опасни, затоа што го туркаат светот кон нови конфликти, изјави претседателот на Русија Владимир Путин.

Обидите за ревизија на историјата и рехабилитација на нацистите се апсолутно неприфатливи, неморални и крајно опасни, затоа што го туркаат светот кон нови конфликти. Ваков став искажа претседателот на Русија Владимир Путин.

Во телеграмата до учесниците на конференцијата посветена на улогата на СССР и Кина во победата над фашизмот и јапонскиот милитаризам, рускиот лидер истакна дека 70-годишнината од Победата во Втората светска војна има за РФ и Кина особена важност, затоа што „народите на нашите земји ги претрпеа најстрашните загуби во борбата со нацизмот и милитаризмот“.

„За нас се апсолутно неприфатливи циничните обиди за препишување на историјата за да им се угоди на опортунистичките политички интереси, за рехабилитација на нацистите и нивните соработници. Ваквите обиди не само што се неморални, туку се и крајно опасни – го туркаат светот кон нови конфликти, кон суровост и насилство“, истакна Путин.

„Во Русија никогаш нема да ги заборават храброста и херојството на кинеските браќа по оружје кои ги дадоа своите животи за заедничка Победа. Исто толку грижливо во Кина се однесуваат кон споменот на советските војници и офицер кои паднаа во борбата со агресорите на кинеско тло“, се вели во телеграмата на Путин. 

Сите права ги задржува „Росијскаја Газета“.