Рускиот аташе за култура одржа предавање на Универзитетот „Гоце Делчев“ во Штип

Денеска на Универзитетот „Гоце Делчев“ во Штип предавање одржа Михаил Лушин, аташе за култура во Амбасадата на Руската Федерација во Р. Македонија. Темата беше по повод 70-годишнината од завршувањето на Втората светска војна под наслов „Советскиот сојуз во Втората светска војна. Митови и одговори“. Организацијата беше на Универзитетот „Гоце Делчев“ од Штип и Амбасадата на Руската Федерација во Р. Македонија.  

Г-дин Лушин на почетокот изјави дека целта на предавањето е да го презентира руското гледиште на настаните од Втората светска војна, како и даде одговор на некои од современите митови и лаги кои се актуелни во овој период, затоа што тоа е важно не само за Русија, туку и за Македонија и за целиот свет.

„Борбата против фашизмот е борба за слобода и борба против смртта и темнината“, изјави Лушин, кој по завршувањето на предавањето одговори и на неколку интересни прашања кои му беа поставени од присутните.

Сите права ги задржува „Росијскаја Газета“.