Г-7: Укинување на санкциите против Русија само по исполнување на спогодбата од Минск

Санкциите на Западот против Русија можат да бидат укинати единствено ако Москва го исполни договорот за прекин на огнот и го почитува суверенитетот на Украина, порачаа денес министрите за надворешни работи на Групата 7 (Г-7) од средбата во Либек, Германија.

Санкциите на Западот против Русија можат да бидат укинати единствено ако Москва го исполни договорот за прекин на огнот и го почитува суверенитетот на Украина, порачаа денес министрите за надворешни работи на Групата 7 (Г-7) од средбата во Либек, Германија.

„Г-7 ја истакнува блиската врска меѓу целосната примена на спогодбата од Минск и меѓународните санкции“, се наведува во заедничкото соопштение по завршувањето на состанокот. 

Во соопштението се укажува дека траењето на санкциите е поврзано со „руската целосна примена на спогодбата од Минск, потпишана во февруари, и почитувањето на украинскиот суверенитет“, пренесува „Ројтерс“.

Министрите ги поздравија Украина и Русија за „преземањето на првите чекори“ кон примена на спогодбата за прекин на огнот, но укажаa дека по тоа прашање „потребен е значителен и брз напредок“.

Исто така, повикаа на почитување на прекинот на огнот и повлекување на тешкото вооружување, како и дека Русија би требало да го искористи своето „значително влијание“ врз проруските сили.

Министрите за надворешни работи на Г-7 го поздравија рамковниот договор за спорната иранска нуклеарна програма и ги поддржаа понатамошните напори на САД, Велика Британија, Франција, Германија, Русија, Кина и Иран за постигнување конечен договор до 30 јуни.

Сите права ги задржува „Росијскаја Газета“.