Американски милијардер: Треба да се инвестира во рубли, а не во долари

Инвестициите во долари и евра се кратковиди, место тоа треба да се инвестира во рубли и во рускиот финансиски пазар, изјави на конференција во Москва американскиот милијардер Џим Роџерс, коосновач на компанијата „Квантум фанд“ (Quantum Fund).

„Русија е за мене еден од најпривлечните пазари од гледна точка на инвестициите“, изјави Роџерс на конференцијата пред клиентите на Финансиската група БКС.

„Првпат дојдов во Русија 1966 година и бев голем песимист. Бев сигурен дека Русија нема да покаже добри резултати во 46 години. А 2012 година го променив своето мислење“, изјави Роџерс. За тоа време, според него, многу нешта се промениле: „Дојде до промени во Кремљ и се смени пристапот кон нештата. Сѐ се смени кон подобро“.

Роџерс вложува во руската берза. „Денес руската берза е во пад. И тоа е многу добра вест за мене. Кога купувате додека берзата е во пад, тогаш имате големи можности за раст. Тоа може да трае и до пет години, но кризата ќе помине и вие ќе бидете во добивка“, изјави Роџерс. Според неговото мислење, руската берза е најдобриот пазар во 2015 година.

Самиот Роџерс инвестира во акции на московската берза, „Аерофлот“ и компанијата „Фосагро“.

Американскиот милијардер смета дека најперспективно е вложувањето во земјоделството. „Тоа е перспективно вложување. Убеден сум дека земјоделството ќе се развива, инаку нема да имаме што да јадеме“, изјави тој. 

Сите права ги задржува „Росијскаја Газета“.