Пушков: Време е ЕУ да го надмине литванско-полскиот пристап кон Русија

Европа треба да престане да ја смета Русија за закана, смета претседателот на Комитетот на Државната дума за меѓународни работи Алексеј Пушков.

Европа треба да престане да ја смета Русија за закана и да обрне внимание на реалната опасност што доаѓа од зоните на нестабилност на Блискиот Исток, смета претседателот на Комитетот на Државната дума за меѓународни работи Алексеј Пушков.

„Веќе е време ЕУ да го надмине литванско-полскиот пристап кон Русија и да сфати дека заканата не доаѓа од неа, ами од југ – од зоните на војната од Либија до Ирак“, напиша пратеникот на својата страница на Твитер.

Властите на Полска и Литванија многупати истапуваа со остри антируски изјави.  

Министерот за надворешни работи на Полска Гжегож Схетина предложи да се воведат нови санкции против Русија, истакнувајќи дека „Русија треба да извлече заклучок, да сфати дека се судрила со единствена, заедничка позиција на целиот свет“.  

И претседателката на Литванија Даља Грибаускајте побара нови санкции против Русија, нарекувајќи ја земја-агресор.  

 

Сите права ги задржува „Росијскаја Газета“.