„Вол Стрит Џурнал“: На локалните избори во Франција победува Путин

Мнозинството гласови на локалните избори во Франција добија партиите со позитивен став кон Владимир Путин, што покажува дека на Французите им треба силен лидер, пишува „Вол Стрит Џурнал“.

Американскиот весник „Вол Стрит Џурнал“ пишува дека на локалните избори во Франција мнозинство гласови (54,6%) освоиле партиите чии лидери ја поддржуваат политиката на претседателот на Русија Владимир Путин, пренесува РИА „Новости“. 

Изданието истакнува дека сопартијците на поранешниот претседател на Франција Никола Саркози, кој е убеден дека РФ е „природен партнер на Франција“ добиле 29,4% гласови во првиот круг на гласање. За „Националниот фронт“ на чело со Марин Ле Пен кој многупати ја повика земјата на стратешко партнерство со Русија, во првиот круг гласаа 25,2% од избирачите.

Како што пишува весникот, популарноста на Саркози и Ле Пен кои позитивно се однесуваат кон курсот на Владимир Путин е поврзана со тоа што мнозинството Французи ја поддржуваат идејата дека на Франција ѝ е потребен силен политички лидер. 

Сите права ги задржува „Росијскаја Газета“.