МВС на Русија ќе го подигне знамето на Победата на Северниот пол

Спасителите на Министерството за вонредни состојби на Русија ќе го подигнат знамето на Победата на Северниот пол во чест на 70-годишнината од завршувањето на Втората светска војна, соопштија денеска од прес-службата на министерството.

Спасителите на Министерството за вонредни состојби на Русија во рамките на вежбите ќе го подигнат знамето на Победата на Северниот пол во чест на 70-годишнината од завршувањето на Втората светска војна, соопштија денеска од прес-службата на министерството.

Вежбите на сибирскиот регионален одред за пребарување и спасување ќе траат од 1 до 12 април во населените места Дудинка и Диксон во Краснојарскиот крај. Активностите се посветени на „вежби за навики на вршење работи за пребарување и спасување во услови на арктичка тундра“.

Во првата етапа на вежбите спасителите ќе реализираат маршеви од 280 километри со теренски возила „во услови на арктичка тундра, усложнети од бескраен релјеф и ограничена видливост“.

Спасителите ќе евакуираат „настрадани“ со користење најнова достапна техника, вклучително и експериментална. Исто така, ќе биде вклучена и авијацијата: на Северниот пол спасителите ќе ги пренесе хеликоптер Ми-8 и авион Ан-74.

„Во финалната етапа со цел популаризација на патриотизмот и во чест на 70-годишнината од денот на Победата и 25 години од денот на формирањето на МВС Русија, на Северниот пол ќе биде поставен јарбол и на него ќе биде подигнато знамето на Победата“, изјавија од прес-службата.

 

Сите права ги задржува „Росијскаја Газета“.