Русија подготвена да испрати спасувачки тим на местото на падот на A320 во Франција

Министерството за вонредни состојби на РФ понуди помош на Франција во операцијата за потрага и спасување организирана по падот на авионот „Ербас“ A320, соопшти министерството денеска, а пренесува „Интерфакс“.

Писмото беше официјално адресирано до францускиот министер за внатрешни работи.

„Согласно Спогодбата од 1999 година за соработка во сферата на цивилната заштита и спречување на итни случаи, Министерство за вонредни состојби на Русија е подготвено да испрати специјална опрема на местото на несреќата“, се вели во соопштението на министерството.

Руската служба за спасување има огромно искуство во операции за потрага и спасување во планински услови и има на располагање специјала опрема за тоа.

Летот на авионот A320 во сопственост на компанијата „Џерманвингс“ леташе на линија од Шпанија за Германија и се урна во планините во Франција.

Во авионот имало 150 луѓе, од кои 144 патници и 6 членови на екипажот. 

Сите права ги задржува „Росијскаја Газета“.