Кисинџер: САД не можат да влијаат на зближувањето меѓу Русија и Кина

Зајакнувањето на односите меѓу Русија и Кина е природен и разбирлив избор врз кој Америка не може да влијае, изјави Хенри Кисинџер на економскиот форум „Развој на Кина“ во Пекинг.

Зајакнувањето на односите меѓу Русија и Кина во контекст на постојната геополитичка ситуација е природен и разбирлив избор на овие земји врз кој Америка не може да влијае, изјави поранешниот државен секретар на САД Хенри Кисинџер на економскиот форум „Развој на Кина“ во Пекинг.

„Русија и Кина во овој момент се навистина блиски. Ми се чини дека тоа е природен избор во сегашниве услови.  Врската меѓу Москва и Пекинг има долга историја и овие земји не можат да бидат разделени поради објективни причини“, пренесува РИА „Новости“.

Според него, „билатералните односи меѓу Кина и Русија се определени исклучително по сопствена волја“.

„Ние не можеме на ниту еден начин да влијаеме на нивниот развој“, истакна Кисинџер,  додавајќи дека зближувањето меѓу Москва и Пекинг не е причина за загриженост на Вашингтон.

„Не може да се каже дека ние би се обиделе да ги разделиме овие земји. Земајќи ја предвид сегашната меѓународна ситуација и регионалните геополитички услови, ние ги разбираме причините за развојот на кинеско-руските односи. Но тоа не значи дека оваа „блискост“ ќе влијае на кинеско-американските односи“, истакна Кисинџер.

Тој исто така истакна дека Вашингтон трева да негува нормални односи со Москва. „Русија е земја која се протега низ девет часовни зони. Не треба да има обиди за нејзина изолација. Од традиционална гледна точка, Русија е дел од западниот свет, но сега дојде до одредени несогласувања. Сметам дека Вашингтон е незаинтересиран за нормални дипломатски односи со Руската Федерација“, додаде поранешниот шеф на американската дипломатија.   

 

Сите права ги задржува „Росијскаја Газета“.