Претседателот на Белорусија е удостоен со една од највисоките награди на Русија – орденот „Александар Невски“. Лукашенко ја прими наградата од рацете на рускиот претседател Владимир Путин.
Како што е соопштено на веб-локацијата на Кремљ, Александар Лукашенко е награден „за големиот личен придонес за развојот на пријателските врски“ меѓу земјите и продлабочувањето на соработката во различни области.
Врачувајќи ја наградата, Путин истакна дека без личното учество на Лукашенко би било невозможно „не само формирањето на Сојузната држава, туку и на ЕАЕС“.
Во текот на разговорите Александар Лукашенко ја повика Русија уште поактивно да оди по патот на интеграцијата. Според неговите зборови, „ќе биде непростливо да се загуби движењето напред, а уште повеќе вештачки да се прават некакви си демонтажи“.
Сите права ги задржува „Росијскаја Газета“.