Во Русија започна празнувањето на Масленица

Вчера, во понеделникот, започна последната, подготвителна недела пред Велики пости. Од тој ден не е дозволена употреба на мрсна храна, но се уште се јаде млечна, поради што овој период се нарекува сирна недела или Масленица.

Народните традиции налагаат во Масленичната недела веселба и гоштевање, а црковните – посета на блиските и пријателите, да се поделат со нив јадењата што лично сте ги приготвиле, да се смирите со сите пред Велики пости и да се потрудите да не навредите некого.

Времето можете да го поминете со семејството на панаѓур – само во Москва и Подмосковјето се очекуваат повеќе од 200 празнични манифестации, вклучувајќи народни собори, изложби во музеи и на други познати места. Со традиционалното јадење – палачинките- ќе можете да се нагостите во текот на неделата во сите московски паркови.

Масленица завршува со Проштална недела (Прочка), кога е обичај со поклонување и бакнежи да се бара прошка.

На 23 февруари започнуваат Велики пости, кои се крунисани со празникот Воскресение Христово – Велигден. Оваа година најважниот христијански празник се одбележува на 12 април.

Сите права ги задржува „Росијскаја Газета“.