Трговскиот суфицит на Русија лани порасна за 3,7%

Позитивното салдо на надворешната трговија на Русија во 2014 година се зголемило за 3,7%, според информацијата на Централната банка на РФ што ја пренесува INTERFAX.RU.

Позитивното салдо на надворешната трговија на Русија (според платниот биланс) во 2014 година се зголемило за 3,7% - на $188,660 милијарди во споредба со $181,939 милијарди во 2013 година, според информацијата на Централната банка на РФ што ја пренесува INTERFAX.RU.

Новата пресметка на надворешно-трговскиот суфицит објавена од ЦБ е од почетокот на јануари ($185,6 милијарди).

Во споредба со рекордниот надворешно-трговски суфицит од 2011 година ($196,854 милијарди), резултатот за 2014 година е помал за 4,2%.

Обемот на рускиот извоз во 2014 година ($496,660 милијарди) се намалил за 5,1% во споредба со 2013 година ($523,275 милијарди). Максимален годишен извоз е регистриран во 2012 година - $527,434 милијарди.

Обемот на увоз во 2014 година се намалил во споредба со рекордната вредност за 2013 година ($341,337 милијарди) за 9,8% - на $308,001 милијарди. Ова е минималната вредност за последните четири години. 

Сите права ги задржува „Росијскаја Газета“.