Обама и Путин разговараа по телефон

Претседателот на САД Барак Обама му телефонираше во вторникот вечерта на рускиот лидер Владимир Путин.

Претседателот на САД Барак Обама му телефонираше во вторникот вечерта на рускиот лидер Владимир Путин и побара од него да се искористат шансите за преговори „во нормандискиот формат“ за решавањето на прашањето за Украина. Средбата со учество на Путин, канцеларката на Германија Ангела Меркел , претседателот на Франција Франсоа Оланд и претседателот на Украина Петро Порошенко е закажана за среда.

Соопштението на Белата куќа за разговорот на Обама со Путин го пренесува Ројтерс: „Претседателот Обама укажа на растот на човечки жртви во текот на борбените дејствија и ја истакна важноста за претседателот Путин да ја искористи шансата што се дава со денешните разговори со учество на Русија, Франција, Германија и Украина за постигнување мирно решение.“

Притоа првиот човек на САД напомна: „Доколку Русија ги продолжи агресивните дејства во Украина, вклучувајќи испраќање трупи, оружје и финансирање на сепаратистите, тогаш цената за Русија ќе порасне.“

Сите права ги задржува „Росијскаја Газета“.