Бајден ја обвини Русија за обид за прекројување на картата на Европа

Потпретседателот на САД Џозеф Бајден изjави дека САД нема да ѝ дозволат на Русија да ја прекројува картата на Европа, известува INTERFAX.RU

САД нема да ѝ дозволат на Русија да ја прекројува картата на Европа, изјави потпретседателот на САД Џозеф Бајден. „Не смее да ѝ се дозволи на Русија да ја прецртува картата на Европа. Тоа е токму она што тие го прават“, рече тој во петокот на прес-конференција во Брисел, известува INTERFAX.RU.

Според тврдењето на потпретседателот на САД, Русија користи две нови агресивни форми на надворешна политика - оружје и енергија.

Бајден исто така истакна дека Русија продолжува да го интензивира конфликот во Донбас испраќајќи на истокот на Украина луѓе и оружје, додека „Украинците се борат да преживеат“. Покрај тоа, потпретседателот на САД го обвини руското раководство за игнорирање на спогодбите кои Москва ги потпишала во минатото, како и на меморандумот од Минск.

Притоа руското раководство многупати зборувало за неоснованоста на обвинувањата за испраќање на војници од РФ во Украина.

„Ние, САД и цела Европа сме должни да бидеме со Украина во овој момент. На Украина ѝ е потребна наша финансиска помош  додека ги спроведува реформите“, додаде Бајден.

 

Сите права ги задржува „Росијскаја Газета“.