„Стандард и Пурс“ ги намали кредитните рејтинзи на најголемите руски банки

Меѓународната агенција за кредитен рејтинг Стандард и Пурс во средата направи нов рејтинг на најголемите емитенти од Руската Федерација, се вели во соопштението за печат на агенцијата што го пренесува „Интерфакс“.

Меѓународната агенција за кредитен рејтинг Стандард и Пурс во средата направи нов рејтинг на најголемите емитенти од Руската Федерација, се вели во соопштението за печат на агенцијата што го пренесува „Интерфакс“.

На пример, долгорочниот и краткорочниот кредитен рејтинг на банката ВТБ и нејзините фирми-ќерки, вклучувајќи ги и Банката на Москва, како и Гаспромбанк и „ВТБ Лизинг“, беа намалени до „BB+/B“, притоа прогнозата за промена на долгорочните кредитни рејтинзи стана „негативна“.

Рејтинзите на Алфа-банк беа намалени на „BB/B“. Истото се случи и со рејтингот на АД „Тенекс-Сервис“.

Рејтинзите на Московската кредитна банка и Промсвјазбанк беа потврдени со  тековните оценки, меѓутоа прогнозата за нивна промена е намалена од  „стабилна“  на „негативна“.

Покрај тоа, кредитните рејтинзи на руските „ќерки“ на странските банки, меѓу нив  се Русфинанс банката, Рајфајзен банката, банката "БНП Париба", „Банк оф Токио-Мицубиши ЈуЕфЏеј“, „Сумитомо Мицуи Рус Банк“, Уникредит банката и Комерцијално-индустриската банка на Кина беа намалени со цел да не го надминуваат суверениот кредитен рејтинг на РФ во странска валута кој се оценува со „BB+“.

На 26 јануари Стандард и Пурс ги намали краткорочниот и долгорочниот кредитен рејтинг на Русија од „BBB-/A-3“ на „BB+/B".

Одлуката на Стандард и Пурс да го намали кредитниот рејтинг на земјата на неинвестициско ниво руското раководство ја нарече „политичка“.

Сите права ги задржува „Росијскаја Газета“.