Јацењук: Има докази за навлегување на руски воени единици во Украина

Освен тоа, Јацењук истакна дека се работи за техника која припаѓа на Министерството за одбрана на Русија.

Премиерот на Украина Арсениј Јацењук тврди дека Киев располага со докази за навлегување на руски воени сили на територијата на Украина, пренесува агенцијата „Интерфакс“.

„Украина и целата меѓународна заедница имаат неоспорни докази за преминување на воена сила и техника од Русија во Украина. Сега разговарав со секретарот на Советот за национална безбедност и одбрана. Украинската воена разузнавачка служба го потврдува фактот дека од територијата на Русија на територијата на Украина се префрла жива сила и техника“, истакна Јацењук.

Освен тоа, Јацењук истакна дека се работи за техника која припаѓа на Министерството за одбрана на Русија.

Претходно Службата за национална безбедност и одбрана изјави дека границата помеѓу Русија и Украина ја преминале два баталјона на Вооружените сили на Русија. Покасно претставниците на Донецката Народна Република го демантираа ова. 

Сите права ги задржува „Росијскаја Газета“.