Претседателот на Комитетот во Државната дума за прашања околу Заедницата на независни држави, европска интеграција и соработка со сонародниците Леонид Слуцки изјави дека САД со помош на Киев се обидуваат да ги поткопаат преговорите меѓу Русија и Европската унија, пренесува „Газета.ру“.
„Тоа е подготвено да се случи пред одржувањето на преговорите во Советот на ЕУ, Парламентарното собрание на Советот на Европа, пред средбата на ’нормандската четворка’ во јануари во Астана“, изјави Слуцки и додаде: „Киевските власти во овој случај се оружје за да се спречи нормализацијата на односите меѓу Русија и Европа“.
Според зборовите на Слуцки, претседателот на Украина Петро Порошенко не е самостојна фигура во процесот на решавање на конфликтот во југоистокот на земјата. „Одовде и негативната реакција на предлогот на претседателот Владимир Путин околу планот за повлекување на тешката артилерија“, истакна тој.
Сите права ги задржува „Росијскаја Газета“.