Кери ја обвини Русија дека се меша во внатрешните работи на другите држави

Државниот секретар на САД Џон Кери ја обвини Русија дека се обидува да се меша во внатрешните работи на другите земји. Како пример ја наведе Бугарија. „Русија, како и претходно, се обидува да се меша во внатрешната политика на трети земји за да ги контролира“, изјави Кери на 15 јануари за време на посетата во Софија, а пренесува агенцијата „Интерфакс“.

Кери истакна дека „постојат докази за руското мешање во политиката на Бугарија преку финансиска и друга помош“.

Американските медиуми пренесоа дека Кери планира да ја убеди бугарската Влада да ја намали својата зависност од руските енергенси.

Претседателот на Русија Владимир Путин на 1 декември изјави дека Русија во сегашните услови не може да продолжи со реализацијата на проектот „Јужен тек“, меѓу другото, и поради недефинираниот став на Бугарија, која под притисок на Западот не даде дозвола за почеток на изградбата на гасоводот. 

Сите права ги задржува „Росијскаја Газета“.