Берлускони: санкциите против Русија немаат смисла

Поранешниот премиер на Италија Силвио Берлускони изјави дека санкциите против Русија се бесполезни и штетни за италијанската економија.

Санкциите против Русија немаат никаква смисла и негативно се рефлектираат на италијанската економија, изјави поранешниот премиер на Италија Силвио Берлускони.

 „Санкциите се бесполезни, но и штетни за надворешната политика и за нашата економија. Се надевам дека италијанската влада ќе биде иницијатор за промена на европската санкциска политика“, изјави Берлускони во интервју за Il Messagero.

Според зборовите на 78-годишниот политичар, Русија е „сојузник на Европа против исламскиот фундаментализам и против опасноста од тероризам“.

„Би било грешка да се дозволи понатамошно влошување на атмосферата на соработка“, додаде Берлускони. 

Сите права ги задржува „Росијскаја Газета“.