Оланд: Путин нема намера да го анектира истокот на Украина

Рускиот претседател нема намера да го анектира истокот на Украина. Главна цел на Владимир Путин е да го спречи зачленувањето на Украина во НАТО, изјави претседателот на Франција Франсоа Оланд.

Рускиот претседател нема намера да го анектира истокот на Украина. Главна цел на Владимир Путин е да го спречи зачленувањето на Украина во НАТО, изјави претседателот на Франција Франсоа Оланд во интервју за француската радио-станица “France Inter”, а пренесува РИА Новости.

„Путин нема намера да го анектира истокот на Украина, тој лично тоа ми го кажа. Не можам да не му верувам. Но тоа не е Крим. Тој сака да го спречи зачленувањето на Украина во НАТО“, изјави Франсоа Оланд. Претседателот на Франција изјави дека Русија треба да го почитува територијалниот интегритет на Украина и да ја прекине „поддршката на сепаратистите“.

Оланд истакна дека Европа е заинтересирана за решавање на украинската криза, бидејќи антируските санкции негативно влијаат на европската економија. „Ако во Русија има криза, тоа не е добро и за Европа... Во случај да дојде до напредок во Украина, санкциите треба да се укинат. Но ако нема напредок, санкциите ќе останат“, изјави Оланд. 

Сите права ги задржува „Росијскаја Газета“.